കാത്തുനിൽപ്പ്

കാത്തുനിൽപ്പ്
--------------------------
മാറുന്ന ലോകത്ത് ഞാൻ മാത്രമിവിടെ
മാറാതെ നിൽക്കുന്നതിന്നിങ്ങനെ.
കാലത്തിനപ്പുറം കണ്മിഴിക്കപ്പുറം
എന്നോർമയിൽ നീ വന്നു പോയി.

വിരൽ പിണച്ചെന്നെ ചേർത്തു പിടിച്ച
വാകമര ചില്ലതൻ നോവ്‌ കാണാതെ,
നെറികെട്ട കാറ്റിൻ ചതിയറിയതെ
ഉതിർന്നു വീണതു നിൻ നെഞ്ചിൽ
ചേർന്നുറങ്ങാമെന്ന പാഴ് വാക്കു കേട്ട്.

ഇന്നലകളോട് കലഹിച്ചിന്നിവിടെ
മണ്ണ് പറ്റി കിടന്നു വിങ്ങുമ്പോൾ
കരയാതെ ഞാൻ വാർത്ത കണ്ണുനീർ
ഉള്ളു പൊളിച്ചു മണ്ണിലമരുമ്പോൾ
നെഞ്ചു നീറ്റുന്ന ന്യായവാദങ്ങളാൽ
നിന്നെ കാത്തു ഞാൻ മാത്രമിവിടെ..

അഖിൽ ജയചന്ദ്രൻ.