ഫാസിസ്റ്റ്
---------------
ഫാസിസ കോലിൻ ഒരറ്റം പിടിച്ചവൻ
മറുപുറം ചൂണ്ടി ക്രുദ്ധനായ് മുരളുന്നു
നീയാണ് ഫാസിസ്റ്റ്, നീയാണ് ഫാസിസ്റ്റ്...
ഫാസിസപുരയിൽ ചമ്രം പടിഞ്ഞിരുന്നവൻ
ഉറക്കെയുറക്കെ അലറി പറയുന്നു
ഞാൻ മാത്രമിവിടെ ഞാൻ മാത്രമിവിടെ
ഫാസിസ്റ്റ് ഭീകരർക്കെതിരാളിയായി....
വാളയാറിൽ തൂങ്ങും കയറു കാണില്ല
പേരിന്റെ വാലിന്റെ ഗർവ് കാണില്ല
ഞാനും നീയും മാവോയിസ്റ്റ് ആണെന്നേ...
നമ്മളിൽ പലരും ഭീകരരുമാണെന്നേ...
തീരെ മോടിയില്ലാത്തൊരു താടിയാണേലും.
താടിയില്ലാതെ മുണ്ടുടുക്കുന്നൊരാ
കേരള മോടിയാണേലും കാണിലിവർക്കു
കണ്ണു കാണില്ല അധികാര മത്തിന്റെ
തിമിരമാണെന്നേ...
കണ്ണുകൾ രണ്ടും തുറന്നു പിടിച്ചീടുക
കണ്ണീര് പോലും കട്ടെടുക്കാൻ
കാതങ്ങൾ താണ്ടി അവർ വരുമ്പോൾ
കൈ വിലങ്ങുകളിൽ സ്വർണ്ണ നിറം പൂശി കണ്ണു കെട്ടുന്നൊരാ വഞ്ചകരാണെന്നേ...
അഖിൽ ജയചന്ദ്രൻ.
No comments:
Post a Comment