ക്യാമറ കണ്ണുകൾ
---------------------------------
ചോരയിൽ പിടയുന്ന ജീവന്റെ
നേർക്കു നീളുന്നോരാ
കൈകളിൽ അലറിച്ചിരിക്കുന്ന
ക്യാമറ കണ്ണുകൾ
ദാഹജലത്തിനായ് കേഴുന്ന
ബാല്യത്തെ നോക്കി
പല്ലിളിക്കുന്നതും
ക്യാമറ കണ്ണുകൾ
ഇണചേരുമിന്നിന്റെ യുവതയെ
കാണാമറയത്തിരുന്നൊളിഞ്ഞു
നോക്കുന്നതും
ക്യാമറ കണ്ണുകൾ
തന്നോമൽ കുഞ്ഞിനമിഞ്ഞ
നൽകുന്നോരമ്മതൻ
മാറിലേക്കെത്തി വലിയുന്നതും
ക്യാമറ കണ്ണുകൾ
പേറ്റ് നോവിന്റെ അലമുറക്കിടയിൽ
നോവേറ്റെടുക്കാനും
കണ്ണിമ ചിമ്മാതെ
ക്യാമറ കണ്ണുകൾ
ശ ങ്ക തീർക്കാനൊന്നു
ശങ്കിച്ച് നിൽക്കുന്ന പെണ്ണിനെ
നോക്കി വെള്ളമിറക്കുന്ന
ക്യാമറ കണ്ണുകൾ
പാർക്കിലും ബീച്ചിലും
പ്രണയം തളിർക്കുമ്പോൾ
പകയോടെ നോക്കുന്ന
ക്യാമറ കണ്ണുകൾ
മരണകിടക്കയിൽ
മരവിച്ചു പോയോരാ
മുഖത്തുമ്മ വക്കുന്നതും
ക്യാമറ കണ്ണുകൾ
എരിയുന്ന ചിതയിലെ പച്ചമാംസഗന്ധം
പേറുവാൻ വെറിപിടിച്ചോടിയടുക്കുന്ന
മാധ്യമ വേശ്യതൻ
ക്യാമറ കണ്ണുകൾ
അലിവേതുമില്ലാതെ
ആർത്തു രസിക്കുന്ന
പുതുമക്കു രൌദ്രതയേറ്റി നലക്കുന്നതും
ക്യാമറ കണ്ണുകൾ
എങ്കിലും നീയെ ന്തേ
കാണാതെ പോകുന്നതീ
വൃ ദ്ധ വിരഹത്തിൻ
നിരാശയും നിരാലംബ മൌനവും !!!
അഖിൽ ജയചന്ദ്രൻ
No comments:
Post a Comment