അപരിചിതർ

അപരിചിതർ
----------------------

ഒരു കുടക്കീഴിൽ ഒന്നായി നിന്നവർ നമ്മൾ
ഒരുമയോടെ മെയ്യും മനസ്സും പകുത്തോർ
കണ്ണിമ വെട്ടാതെ കണ്ണിൽ കവിത രചിച്ചവർ
ചുണ്ടു ചുണ്ടോട് ചേരാതെ ചുംബിച്ചവർ
കുളിർ പുലരിയിൽ നനുത്ത രസചരടിൽ
ചൂടൂറ്റി നൽകിയോർ, നമ്മളൊന്നായവർ...

ഇന്നീ നാലു ചുവരുകൾക്കുള്ളിൽ
ചിരിക്കാൻ മറന്നവർ, മിണ്ടാൻ മറന്നവർ
മൊബൈലും, ലാപ്ടോപ്പും നമ്മിലെ നമ്മെ
ഊറ്റി കുടിക്കുമ്പോൾ മരിച്ചു നിൽക്കുന്നോർ
നമ്മളിന്ന് അന്യരായവർ, അപരിചിതർ നമള്ളിൽ നാമില്ലെന്നറിഞ്ഞോർ...

അഖിൽ ജയചന്ദ്രൻ