എന്നെ തിരയുന്ന ഞാൻ

എന്നെ തിരയുന്ന ഞാൻ
-------------------------------------------
കല്ലറക്കുളിൽ ചീഞ്ഞുനാറുന്നൊരാ
എന്നെ ഞാനിന്നലെ കണ്ടു
മോഹങ്ങളും മോഹഭംഗങ്ങളും കൂട്ടു കിടക്കുന്നൊരെന്നെ ഞാനിന്നലെ കണ്ടു.

ഇന്നിൻറെ ലോകമേ കാപട്യമേ
കണ്ണീര് പോലും കട്ടെടുക്കാൻ
കാതങ്ങൾ താണ്ടി അവർ വരുമ്പോൾ
എന്നിലെ എന്നെ ഞാനെവിടെ തിരയണം നിന്നിലോ മറയുന്ന സൂര്യ ബിംബത്തിലോ

വേട്ട നായ്ക്കൾക്ക് ചുണ്ടു നനക്കുവാൻ
എന്റെ രക്തം മതിയാകയില്ലെടോ
നാളെയീ വീഥിയിൽ നിന്നെയും തേടി
വന്നേക്കമീ രക്തദാഹികൾ
വിട്ടുകൊടുക്കാതിരിക്കുക നിന്നേയും
നിന്നിൽ ഞാൻ തിരയുന്നൊരെന്നെയും

അഖിൽ ജയചന്ദ്രൻ