അവസ്ഥ

ഹൃദയം തുറന്നൊന്നും ഞാൻ എഴുതാറില്ല

കാരണം എന്റെ ഹൃദയത്തിന്റെ 

ഭ്രാന്തിൻ വേഗം ഇന്നെന്റെ തൂലികക്ക് താങ്ങാൻ കഴിയുന്നില്ല

മനസ്സ് തുറന്നൊന്നും ഞാൻ പറയാറില്ല

കാരണം എന്റെ മനസ്സിന്റെ 

സഞ്ചാരപഥങ്ങളിൽ ഒരുപാട്

നിന്നിടങ്ങൾ അനാഥമായി കിടപ്പുണ്ട്

കണ്ണു തുറന്നൊന്നും ഞാൻ കാണാറില്ല

കാരണം എന്റെ കാഴ്ചകളൊക്കെ

നിന്റെ പുഞ്ചിരിയുടെ കടുംചുവപ്പ് നൂലിനാൽ ബന്ധിക്കപ്പെട്ടിരിക്കുന്നു

കാത് തുറന്നൊന്നും ഞാൻ കേൾക്കാറില്ല

കാരണം എന്റെ കാതിൽ നിൻ 

അവസാന വാക്കിപ്പോഴും 

ദ്രവിച്ചു തീരാതെ കല്ലിച്ചു കിടപ്പുണ്ട്.