ശവകുടീരം
************
ഇന്നലെ മൂവന്തിക്കെന്റെ
കൂടെ ചിരിചുല്ലസിച്ഛ്
ആഘോഷിച്ചൊരെൻ
കൂട്ടുകാരാ ഇന്നീ പുലരിയിൽ
നീയെന്തേ കിടപ്പറക്കുള്ളിൽ
തൂങ്ങിയാടുന്നു നിലം തൊടാതെ
പ്രണയത്തിന്റെ മുന്തിരിച്ചാറ്
ഒരിറ്റ് പോലും രുചിച്ചു നോക്കാതെ
ജീവിതത്തിന്റെ വഴിയോരങ്ങളിൽ
നിർവികാര ഹൃദയം
വഴിവാണിഭം ചെയ്തോർ
നമ്മൾ മുജ്ജന്മ പാപത്തിന്റെ
പങ്കു പറ്റിയോർ
നിന്റെ ഓർമകളുടെ ഭാരവും
എന്റെ ചുമലിൽ ഇറക്കിവച്ചു
നീ പടിയിറങ്ങുമ്പോൾ
എന്റെ നെഞ്ചിൽ ഞാനൊരുക്കട്ടെ
നിനക്കായൊരു ശവകുടീരം
No comments:
Post a Comment