ഫാസിസം

ഈ കാലത്തിനെന്തോ കുഴപ്പമുണ്ട്,

ഈ കാഴ്ച്ചക്കുമെന്തോ കുഴപ്പമുണ്ട്

ഇനിയും ജനിക്കാത്ത കുഞ്ഞിന്റെ വായിൽ ജാതി നൽകൂ, മത ഭ്രാന്ത് നൽകൂ..

പൊക്കിൾ കൊടിയിലൂടൂറി പരക്കുന്ന

ജാതി നൽകൂ, മത ഭ്രാന്ത് നൽകൂ..

ശൂലം തറക്കാത്ത ഗർഭപാത്രങ്ങളിൽ 

ജാതി നൽകൂ, മത ഭ്രാന്ത് നൽകൂ..

കാലവും മാറി, കാലനും മാറി 

കാറ്റിന്റെ ചുണ്ടിലെ ഈണവും മാറി

ഫാസിസപുരയിൽ കാലുറപ്പിച്ചവൻ

ഉറക്കെയുറക്കെ വിളിച്ചു പറയുന്നു..

ഞാൻ മാത്രമിവിടെ, ഞാൻ മാത്രമിവിടെ

ഫാസിസ്റ്റ് ഭീകരർക്കെതിരാളിയായി....

ഫാസിസ ചക്രത്തിന്നൊരറ്റം പിടിച്ചവൻ

മറുപുറം ചൂണ്ടി ക്രുദ്ധനായ് മുരളുന്നു

നീയാണ് ഫാസിസ്റ്റ്, നീയാണ് ഫാസിസ്റ്റ്...

അധികാരമാളുന്ന അതികായരൂപങ്ങൾ ഒന്നുമറിയാത്തതീ നാടിന്റെ ശാപം

വാളയാറിൽ തൂങ്ങും കയറു കാണില്ലവർ..

പേരിന്റെ വാലിന്റെ ഗർവ്വ് കാണില്ല..

നിന്നെ നോക്കി ചിരിച്ച  

കുപ്പിവള കുഞ്ഞുങ്ങൾ

ഇന്നലെയാ ഉമ്മറത്തിണ്ണയിൽ

പൊട്ടി ചിതറി പിടഞ്ഞു തീരുമ്പോൾ,

നീലിച്ച കൈകളിൽ ചോര പൊടിയുമ്പോൾ

കാണിലിവർക്കു കണ്ണു കാണില്ല 

അധികാര മത്തിന്റെ തിമിരമാണെന്നേ...

ഞാനും നീയും മാവോയിസ്റ്റ് ആണെന്നേ...

നമ്മളിൽ പലരും ഭീകരരുമാണെന്നേ...

അഖിൽ ജയചന്ദ്രൻ..