പുതിയ പുലരികൾ

പുതിയ പുലരികൾ

ശവനാറി പൂക്കൾ ശിരസ്സിൽ ചൂടി, നോഹയുടെ പെട്ടകത്തിന്റെ അകത്തളങ്ങളിൽ രക്തദാഹികളായി,

കാലപങ്ങൾക്കു കോപ്പ്കൂട്ടുന്ന വിശ്വാസസംരക്ഷണ പോരാളികളെ...

ജീവിതപടനിലങ്ങളിൽ നിന്ന്

ഒളിച്ചോടിയ സാധുജനങ്ങൾ,

തളർന്നുറങ്ങുന്ന കൂടാരങ്ങളിൽ ചെന്നു 

മറ്റൊരു അശ്വത്ഥാമാവാകാതിരിക്കുക.

സമാധാനത്തിന്റെ വെള്ളരിപ്രാവുകൾ

ചിറകടിച്ചുയരുന്ന നവവീഥികളിൽ

പുതുരക്തം ചിന്തിചുവപ്പിക്കാതിരിക്കുക.

നാളെയുടെ പുലരികളിൽ, ചുണ്ടിൽ

പുതിയൊരു യുഗപിറവിയുടെ വിളംബരഗാനവുമായി,

ഉയരങ്ങൾ താണ്ടി നീലവാനിൽ

അവരും പറന്നുയരട്ടെ...

മതിലുകളില്ലാതെ,

ഇനിയൊരു അതിരുകളില്ലാതെ.

അഖിൽ ജയചന്ദ്രൻ